DEM Partiyê: Bîranîna berxwedana Salih Muslim rêya me ronî bike

DEM Partiyê ragihand ku wan bi xemgîniyeke mezin koça dawî ya Salih Muslim bihîstin û got: “Salih Muslim wê wekî şehîdê azadî û demokrasiyê bijî.”

12 adar, 2026 00:12

NAVENDA NÛÇEYAN

Endamê Desteya Hevserokatiya Partiya Yekîtiya Demokratîk PYD'ê û hevserokê berê yê PYD'ê Salih Muslim vê êvarê li Hewlêrê koça dawî kir

DEM Partiyê bi daxuyaniyeke nivîskî sersaxî ji malbata Salih Muslim û gelê Kurd re xwest.

Di daxuyaniya DEM Partiyê de hat gotin:

"Me bi xemgîniyeke mezin koça dawî ya endamê Desteya Hevserokatiya PYD'ê Salih Muslim bihîst.

Em sersaxiyê ji malbata wî û ji gelê xwe re dixwazin û di vê rêya ku temenê xwe di xebata azadiyê de derbas kiriye, bi rêz û hurmet wî bibîr tînin."

Di daxuyaniyê de hat destnîşan kirin ku mîrateya berxwedanê ya Salih Muslim wê bibe ronahî ji bo her kesê ku dilê wî ji bo azadiya gelê wî lê dide.

DEM Partiyê her wiha da zanîn ku Salih Muslim wê di bîra gelan de, bi taybetî jî di bîra gelê Kurd de, wekî şehîdê azadî û demokrasiyê her bijî.

Di dawiya peyama sersaxiyê de wiha hat gotin, "Oxir be hevalê hêja, bîranîna berxwedana te wê her û her rêya me ronî bike."