Ciwanên Ermen di salvegera 110’an komkujiyê de daxwaza edaletê kir
Ciwanên Ermen di salvegera 110’an a komkujiyê de çalakiyek li dar xist. Ciwanan xwest edalet pêk were û hesab bê pirsîn.
Dewleta Osmanî di sala 1914’an û de qetlîameke mezin li dijî gelê Ermen pêk anî, lê tê qebûlkirin ku dîroka destpêka komkujiyê 24’ê Nîsana 1915’an e.
Bi boneya salvegera 110’an a komkujiya li dijî Ermenan, Tevgera Demokratîk a Ciwanên Ermen li pêşiya avahiya Komîseriya Penaberan a Neteweyên Yekbûyî ya li Qamişloyê çalakiyek protestoyî li dar xist.
Di çalakiyê de pankartên "Em 24’ê Nîsanê ji bîr nakin û efû nakin", "Em daxwaza naskirina 24’ê Nîsanê dikin", "Em edaletê û mafê vegerê dixwazin", "Birîna me bi demê re derman nabe, lê bi edaletê derman dibe", "Milyon û nîv li benda edaletê ne, edalet li ku derê ye?" hatin vekirin. Her wiha wêneyên komkujiyên li dijî Ermenan û alên Partiya Yekitiya Ermenî hatin hildan.
Hevseroka Tevgera Demokratîk a Ciwanên Ermen Losnak Kavorian daxuyanî xwend.
Di daxuyaniyê de hate gotin: "Beriya 110 salan Osmaniyan hewl da me biqelîne, nasnameya me tune bike û gelê me qir bike. Lê bi ser neketin; ji ber ku em man û li ber xwe didin, ev bîranîn di dil, îrade û hişê me de ye."
Her wiha hate gotin: "Bîranîna wê rojê nûkirina vê sozê ye ku em ji doza xwe û mafên xwe nayên xwarê. "
Di daxuyaniyê de daxwaza pêkanîna edaletê û hesabpirsînê hat kirin.
Di dawiya daxuyaniyê de wiha hat gotin: "Hevbendiyên we û projeyên we dê li hemberî biryardariya me hilweşin. Em zarokên Ermenistana Rojava ne, berxwedana kurdî û neviyên Asûr in."
(bb)
ANHA
Ciwanên Ermen di salvegera 110’an komkujiyê de daxwaza edaletê kir
Dewleta Osmanî di sala 1914’an û de qetlîameke mezin li dijî gelê Ermen pêk anî, lê tê qebûlkirin ku dîroka destpêka komkujiyê 24’ê Nîsana 1915’an e.
Bi boneya salvegera 110’an a komkujiya li dijî Ermenan, Tevgera Demokratîk a Ciwanên Ermen li pêşiya avahiya Komîseriya Penaberan a Neteweyên Yekbûyî ya li Qamişloyê çalakiyek protestoyî li dar xist.
Di çalakiyê de pankartên "Em 24’ê Nîsanê ji bîr nakin û efû nakin", "Em daxwaza naskirina 24’ê Nîsanê dikin", "Em edaletê û mafê vegerê dixwazin", "Birîna me bi demê re derman nabe, lê bi edaletê derman dibe", "Milyon û nîv li benda edaletê ne, edalet li ku derê ye?" hatin vekirin. Her wiha wêneyên komkujiyên li dijî Ermenan û alên Partiya Yekitiya Ermenî hatin hildan.
Hevseroka Tevgera Demokratîk a Ciwanên Ermen Losnak Kavorian daxuyanî xwend.
Di daxuyaniyê de hate gotin: "Beriya 110 salan Osmaniyan hewl da me biqelîne, nasnameya me tune bike û gelê me qir bike. Lê bi ser neketin; ji ber ku em man û li ber xwe didin, ev bîranîn di dil, îrade û hişê me de ye."
Her wiha hate gotin: "Bîranîna wê rojê nûkirina vê sozê ye ku em ji doza xwe û mafên xwe nayên xwarê. "
Di daxuyaniyê de daxwaza pêkanîna edaletê û hesabpirsînê hat kirin.
Di dawiya daxuyaniyê de wiha hat gotin: "Hevbendiyên we û projeyên we dê li hemberî biryardariya me hilweşin. Em zarokên Ermenistana Rojava ne, berxwedana kurdî û neviyên Asûr in."
(bb)
ANHA
