Ciwanên Dêrikê: Heta Rêberê me azad nebe têkoşîna me ranaweste

Bi sedan endamên Tevgera Ciwanên Şoreşger û Yekitiya Jinên Ciwan daketin kolanan û piştgiriya pêngava “Ji Rêber Abdullah Ocalan re azadî û ji pirsgirêka kurd re çareseriya siyasî” kir. Ciwanan di çalakiya xwe de gotin heta azadiya fîzîkî ya Rêber Abdullah Ocalan pêk were, têkoşîn berdewam e.

ROJANE

19 cotmeh, 2023 14:27

QAMIŞLO

Ji bo piştgiriya pêngava “Ji Rêber Abdullah Ocalan re azadî û ji pirsgirêka kurd re çareseriya siyasî” bi sedan endamên Tevgera Ciwanên Şoreşger û Yekitiya Jinên Ciwan daketin kolanên bajarê Dêrikê yê kantona Qamişloyê.

Xwepêşandan ji sûka Dêrikê bi beşdariya endamên Tevgera Ciwanên Şoreşger, Jinên Ciwan, endamên saziyên sivîl, xizmetguzarî, dibistanên amadehî û navîn dest pê kir.

Xwepêşandan li pêşiya Navenda Tevgera Ciwanên Şoreşger a Sûriyeyê ya Şehîd Bawer rawestiya û veguherî mitingê. Li wir, endama Yekitiya Jinên Ciwan Rûda Delîl axivî û diyar kir ku armanca tecrîda li ser Rêber Abdullah Ocalan tunekirina projeya neteweya demokratîk e.

Rûda Delîl destnîşan kir ku ciwan li hember tecrîdê bêdeng namînin û heta azadiya fîzîkî ya Rêber Abdullah Ocalan pêk were û êrişên dagirkeriya Tirk rawestî, dê têkoşînê berdewam bikin.

Ciwanan “Bê Serok jiyan nabe”, “Em ê êrişên Tirk têk bibin” û “Bijî berxwedana Serok” berz kirin.

(şx)

ANHA