Bi sedan gelê Kantona Firatê şehîd Baran Girê Spî spart axê

Şêniyên kantonên Firat û Reqayê li goristana şehîdan a Dîcleyê ya bajarê Kobanê, cenazeyê şervanê Hêzên Sûriya Demokratîk (QSD) Baran Girê Spî (Hogir Ehmed Xelîl) yê ku 20`ê Tebaxa 2025`an li bajarê Reqayê şehîd bûbû, spart axê.

Piştî deqeyeke rêzgirtinê, Rêveberiya Meclisa Jinan a Partiya Yekitiya Demokratîk (PYD) Bedîa Miho axivî û diyar kir ku bi saya şehîdan ew gihîştine vê astê û got: "Em bi saya şehîdan li virin. Xiyanet teqez wê bi bin bikeve, ji ber ku em gelekî xwedî israr û îrade ne. Wê ti kes li hemberî îradeya me nebe bend, teqez wê serkeftin ya me be û em ê li hemberî her cure xiyanetê bi ser kevin."

Endamê Meclisa Leşkerî ya Kantona Firatê Mihemed Oso axivî û diyar kir ku şehîd Baran ji malbateke welatparêz e, teqez wê nifşên wiha berxwedêr weke Barana derkevin û wiha got: "Êdî wê xiyanet bi ser nekeve. Em dibêjin ku wê heta dawiyê berxwedana me li hemberî her cure destdirêjî li ser destkeftiyên gelê me, berdewam be. "

Dûre wesîqeya şehadeta şehîd hat xwendin û radestî malbatê wî hat kirin. Di dawiya merasîmê de, girseyê cenazeyê şehîd bi dirûşman spart axê.

(sş/şx)

ANHA