Bi minasebeta 4'ê Nîsanê çalakî pêk hatin

Li Hesekê, Til Temir, Dirbêsiyê û kampên Waşûkanî û Serêkaniyê bi boneya 4'ê Nîsanê civîn hatin lidarxistin, semîner hatin dayîn û dar hatin çandin.

ROJANE

2 nîsan, 2026 13:59

HESEKÊ

Kongra Star bi boneya 4'ê Nîsanê rojbûna Rêber Abdullah Ocalan, li bajarên Hesekê, Til Temir, Dirbêsiyê û kampên Serêkaniyê û Waşûkanî çalakî li dar xistin.

Çalakî bi dirûşma "4'ê Nîsanê vejîna azadiya jinan û civaka demokratîk e" pêk hatin. Di vê çarçoveyê de semînerên li ser têkoşîn û ramanên Rêber Abdullah Ocalan hatin dayîn.

Di civînan de şêniyên bajaran, koçber û endamên saziyên sivîl ên Rêveberiya Xweser, Kongra Star û partiyên siyasî amade bûn. Di civînan de girîngiya pêkanîna ramanên Rêber Abdullah Ocalan ji bo avakirina civakeke demokratîk hat vegotin.

Bi heman boneyê, Tevgera Ciwanên Şoreşger ên Sûriyeyê û Rêveberiya Dibistanan a bajarê Dirbêsiyê li Dibistana Şehîd Roza Cûdî semînerek li ser jiyana Rêber Abdullah Ocalan da. Piştî semînerê dar hatin çandin û daxuyaniyek bi boneya 4'ê Nîsanê hate dayîn. Di dawiyê de govend hate gerandin.

(bb)

ANHA

DERBESIYE

HESEKÊ