Almanyayê hişyarî da welatiyên xwe ku neçin Sûriyeyê

Wezareta Karên Derve ya Almanyayê hişyarî da welatiyên xwe ku ji ber “xerabûna ewlehiyê” neçin Sûriyeyê.

1 gulan, 2025 10:15

NAVENDA NÛÇEYAN

Wezareta Karên Derve ya Almanyayê hişyarî da welatiyên xwe ku neçin Sûriyeyê. Wezaretê îro di raportekê de diyar kir ku "Balyozxaneya Almanyayê ya Şamê girtî ye" û tekez kir ku "xizmetên balyozxaneyê ji welatiyên Alman re li Sûriyeyê pir kêm in û tenê di rewşên awarte de têne kirin.”

Wezaretê her wiha diyar kir ku eger kesek neçar bibe ku biçe Sûriyeyê, ew pêşniyar dike ku "planeke ewlekariyê ya baş û profesyonel" were danîn û diyar kir ku "rewşa ewlekariyê ya giştî li Sûriyê ne aram e.”

Wezaretê her wiha hişyarî da ku "reftarên karmendên ewlekariyê li Sûriyeyê nayên pêşbînîkirin" û diyar kir ku "dibe ku kiryarên bê ser û ber ji aliyê wan ve werin kirin", her wiha xwest bi şev qet negerin.

Berî çend rojan wezîra karên hundir a Almanyayê Nancy Faeser, li gel hevtayê xwe yê Awisturyayê Gerhard Karther serdana Sûriyeyê kiribû.

Li gor nûçeya Radyoya Wuppertal a Almanyayê, şandeya hevbeş a Alman-Awisturyayê, di nava tedbîrên tund ên ewlehiyê de ji Qibrisê hatibû Şamê.

(k)