“Konferansa jinên ciwan ji bo Rêber Apo” li dar ket

Konferans li hola Lazord a Tebqayê li dar ket. Nûnerên Yekitiya Jinên Ciwan ji seranserî herêmên Bakur û Rojhilatê Sûriyeyê beşdar bûn.

Endama Yekitiya Jinên Ciwan Jînda Yusif bixêrhatina beşdaran kir. Dûre Jînda peyama Rêxistina Jinên Ciwan xwend ku lidarxistina konferansê pîroz dike û hêviya serkeftinê jê re dixwaze.

Piştî wê der barê jiyana Rêber Abdullah Ocalan û têkoşîna wî ji bo rizgarkirina cîhanê ji koletiyê û fikrê kapîtalîst, pêşkêşkirina projeya neteweya demokratîk de sinevizyonek hate pêşandan.

Her wiha dîwanê konferansê mijara azadiyê, zayendperestî, rêbazên xilasiya ji vê hişmendiyê, ji bo civakê têgeha azadiyê tê çi wateyê û azadî li gorî fikrê Rêber Abdullah Ocalan çi ye, nîqaş kirin.

Beşdarên konferansê têkildarî van mijaran, nêrîn û pêşniyarên xwe parve kirin.

Konferans bi encamnameyekê bi dawî bû ku xalên wê wiha ne:

Ji bo belavkirina fikr û felsefeya Rêber Abdullah Ocalan mezinkirina têkoşînê.

Ji bo belavkirina hişyariyê lidarxistina dewreyên vekirî û girtî.

Ji bo nîqaşkirina dozên jinan, veqetandina cihekî da ku jin lê kom bibin.

Praktîkirina komîteyên parastina cewherî.

Lidarxistina çalakiyan li dijî tundiya li ser jinan.

Ji bo parastina hawîrdorê, meşandina kar û xebatê û lidarxistina semîneran.

Praktîkirina komîteyên çand û hunerê yên jinan.

Di semîneran de balê bê kişandin ser rêbazên têkoşîna zayendî û xurtkirina hezkirina jinê.

Vekirina kampên jineolojiyê.

(şx)

ANHA