ˋJi bo pêşîgirtina li fîtneyan em asta zanabûnê bilind bikinˊ

Komîteya Rêveberiya Dibistanan a bajarê Til Birakê yê kantona Cizîrê ji mamosteyan re li hola meclisa bajêr civînek li dar xist. Di civînê de bi beşdariya bi dehan mamosteyan û nûnerên partiyên siyasî yên bajêr geşedanên li herêmê hatin.

Di serî de cîgirê hevseroketiya Desteya Perwerde û Fêrkirinê ya kantonê Feysel Xidir li ser qonaxa piştî ketina rejîma Beşar Esed axivî û got: "Rejîma Esed hewl da di nav pêkhateyan de fitneyan derxe, lê belê zanabûn û hişyariya gelên Bakur û Rojhilatê Sûriyeyê ev hewldan têk birin."

Xidir girîngî da rola mamosteyan di vê qonaxê de û got: "Divê mamoste civakê bi tevahî hişyar bikin û hevgirtina civakî li hemberî hewldanên fîtneyê xurt bikin."

Endamê Akademiya Lêkolînên Stratejîk Rênas Ehmed diyar kir ku armanca dewleta Tirk a dagirker ew e ku li ser hesabê Sûriyeyê Osmaniya nû vejîne.

Ehmed got: "Divê em destekê bidin şervanên xwe yên di eniyan de. Herêm di rewşeke seferberiyê re derbas dibe û divê em ji bo parastina herêmên xwe amade bin."

Di dawiya civînê de beşdaran teqezî bi piştgiriya Hêzên Sûriya Demokratîk (QSD) li hemberî metirsî û gefên li dijî ewlehî û aramiya herêmê û yekbûna civakî li hemberî zehmetiyan, da.

(mh/fr)

ANHA