ˊXwendina pirtûkên Rêbertî bingeha gihandina civakeke demokratîk eˊ
Jinên Til Hemîsê xelekên xwendina paraznameyên Rêber Abdullah Ocalan, bi armanca pêşxistina îdeolojiyê û belavkirina ramanên Rêber Abdullah Ocalan dewam dikin.
Di çarçovaya pêngava navneteweyî ya ‘Ji Rêber Adullah Ocalan re azadî, ji pirsgirêka Kurd re çareserî’ de endamên Kongra Star a bajarê Til Hemîsê ya kantona Cizîrê, xelekên xwendina pirtûkên Rêber Abdullah Ocalan dewam dikin.
Endamên Kongra Star diyar kir ku armanca wan ji van xelekên xwendinê, zêdekirina hişyariya ramanê û îdeolojiyê di nava jinan de, di heman demê de belavkirina fikir û felsefeya Rêber Abdullah Ocalan.
Her wiha, di vê hefteyê de ev xeleka duyemîn e. Di van xelekan de parêznameya sêyemîn a bi navê ˊSosyolojiya Azadiyêˊ tê xwendin. Di van xelekan de mekanîzemya pêşxistina civakê di xwe avakirinê û guhartina îdeolojiya şaş de hatin nîqaşkirin.
Di paraznameyê de, benda sêyemîn a pêşxistin û bihêzkirina civakê di aliyê îdeolojî de hat nîqaşkirin ku civakeke pêşketî û bingeha wê kûr û xurt be were avakirin.
Endamên Kongra Star xwendina pareznameyên Rêber Abdullah Ocalan û dayîna semîneran li komînan, bi armanca zêdekirina hişyariyê di nava gel de dewam dikin.
Xelekên xwendina pirtûkên Rêber Abdullah Ocalan dê heta bidawîkirina xwendina tevahî pirtûkan û nîqaşkirina li ser naverokê dewam bikin.
(fr)
