Xelkê Siwêdayê ji bo qurbaniyên Tîrmehê mûm pêxistin

Malbatên qurbaniyan û xelkê Siwêdayê li ber peykerê li Qada Tişrînê ya berê ku îro bi Qada Saraya tê naskirin mûm ji bo bibîranîna qurbaniyên bûyerên Tîrmehê pêxistin.

ROJANE

10 tîrmeh, 2026 22:50

SIWÊDA

Malbatên qurbaniyên û xelkê Siwêdayê wêneyên qurbaniyên ku bi guleyên çekdarên bi ser hikumeta demkî ve di bûyerên Tîrmeha par de hatine qetilkirin hildan.

Di bibîranînê de Semer Hinêdî, xwişka şehîd Ednan Muhsin Hinêdî yê ku di 19'ê Tîrmehê de li gundê Mecdel ê Siwêdayê şehîd bû, got: "Em îro hatine ku mûmeyan pêxînin û hezkiriyên xwe yên ku ji bo parastina ax û namûsê ji me veqetiyane, bînin bîra xwe. Em naxwazin ji bîr bikin û em naxwazin efû bikin. Rihmet li hemû şehîdên me be."

Li aliyekî din jî Wecdî El Mihêsawî, kurdê Merwan El Mihêsawî yê ji gundê Lebîn ê ku di nava erdê xwe de hat qetilkirin got: "Em îro trajediya Tîrmehê bi bîr tînin. Ez her tim gotina bavê xwe dibêjim ˋdivê navberê qebûl nekin, yan cihê bilind an jî gorêˊ."

Beşdarên çalakiyê diyar kir ku ji bo dilsoziya bi qurbaniyan û malbatên wan re û nûkirina banga parastina fedakariyên wan ev çalakî hat lidarxistin.

(fr)