Xelkê Minbicê şehîd Hesen Betran oxir kir

Şêniyên kantona Minbicê şervanê Hêzên Xweparastinê şehîd Hesen Betran oxir kir û soza şopandina rêya şehîdan heta pêkanîna serkeftinê da.

ROJANE

24 mijdar, 2024 17:08

MINBIC

Şêniyên kantona Minbicê, endamên Rêveberiya Xweseriya Demokratîk a kantonê û desteyên wê, partiyên siyasî, xet û meclisên sivîl, Meclisa Leşkerî ya Minbicê, Meclisa Jinan û rûspiyên kantonê ji bo oxirkirina şervanê Hêzên Xweparastinê şehîd Hesen Betran berê xwe da goristana şehîdan a navenda bajêr. Şehîd Hesen Betran di 21'ê Mijdarê de di dema pêkanîna erkê xwe de li bajarê Kobanê şehîd bû.

Di merasîmê de fermandarê Hêzên Xweparastinê Rustem Cûdî bi peyamekê soza şopandina rêya şehîdan û parastina ewlehiya herêmê nû kir.

Endamê Meclisa Gelan a Demokratîk a kantonê Hisên El Maşî soza domandina têkoşînê heta pêkanîna armancên şehîdan û parastina destkeftiyên wan, da.

Di dawiya merasîmê de wesîqeya şehadetê hat xwendin û radestî malbatê hat kirin

Şehîd bi tilîliyên dayikan û siloganên "Şehîd Namirin" hat oxirkirin.

(mh/fr)

ANHA