Şehîd Sekîne Îsmayil hat oxirkirin

Xelkê kantona Efrîn û Şehba cenazeyê şehîd Sekîne Îsmayil oxir kir û diyar kir ku ew li ser şopa şehîdan berxwedan û têkoşînê didomînin.

ROJANE

2 mijdar, 2024 17:03

ŞEHBA

Koçberên Efrîn û şêniyên Şehba Sekîne Îsmayil li Pakrewangeha Şehîd Zozan Amanos a bajarokê Fafînê ya kantonê oxir kir. Di encama êrişên dewleta Tirk a dagirker ên 23ˋyê Cotmehê li dijî bajarê Til Rifetê de welatî û zarok di nav de Seknîne Îsmayil jî şehîd bûn.

Di merasîmê de endama rêxistina Partiya Yekitiya Demokratîk (PYD) a Kantona Efrîn û Şehba Ayşe Hemelîko axivî û êrişên dewleta Tirk a dagirker şermezar kirin û şehîdên komkujiya Til Rifetê bi bîr anîn.

Ayşe got: "Em ê têkoşînê bidomînin û bi rihê şehîdan li dijî êrişên dewleta Tirk a dagirker bisekinin."

Li aliyekî din jî endamê Saziya Olî ya kantona Efrîn û Şehba Reşad Hebeş axivî û got: "Bi rihê şehîdan, fikir û feslefeya Rêber Abdullah Ocalan em ê têkoşîn û berxwedanê bidomînin. Ji ber ku em xwediyê maf û dozê ne."

Di dawiyê de wesîqeya şehîd hatin xwendi nû radestî malbatê hat kirin.

(fr)