Şehîd Aram Hesekê hat oxirkirin

Şervanê QSD’ê Aram Hesekê (Ehmed Xidir El Selûm) bi merasîmekê li Şedadê hat oxirkirin.

ROJANE

2 sibat, 2025 16:04

HESEKÊ

Şervanê QSD’ê Aram Hesekê (Ehmed Xidir El Selûm) ê ku 30’ê Çileyê li bajarê Zirganê dema erka xwe bi cih dianî, şehîd bûbû, îro bi merasîmekê li Pakrewangeha Şehîdan a li bajarê Şedadê hat oxirkirin.

Merasîma cenaze ji aliyê Meclisa Malbatên Şehîdan a bajarê Şedadê ve hat organîzekirin. Girseyeke mezin a şêniyên bajar, endamên saziyên sivîl, partî, hêzên leşkerî û ewlehiyê beşdar bûn.

Merasîm bi deqeyeke rêzgirtin û tûrana leşkerî dest pê kir. Piştre ji rêveberên Meclisa Malbatên Şehîdan a Şedadê Ebdulmecîd Etiye axivî.

Etiye piştî sersax ji malbat û hevalên şehîd re xwest û diyar kir ku serkefitnên hatine bidestxistin berhemên keda şehîdan e.

Etiye xîtabî çeteyên dewleta Tirk, xayîn û sixûran kir û got "Bi xwîna şehîdên azadiyê yên şoreş, bi rihê her tiştên pîroz, bi qêrîna dayika şehîdn em ê tola şehîdên xwe ji xayînan hilînin û em ê terorê li welatê xwe tune bikin."

Piştre wesîqeya şehîd hat xwendin û radestî malbata wî hat kirin. Cenazeyê şehîd li ser daxwaza wî ber bi gundê Sihiyê yê 15 km li bakurê navenda bajarê Şedadê ve hat oxirkirin.

(bb)

ANHA