Partiya Yekitiya Suryanan êrişa li dijî dêrekê ya li Urdinê şermezar kir

Partiya Yekitiya Suryanan ji bo redkirina êrişa li ser yek ji dêrên li Urdinê ku duh (23 Cotmeh) pêk hat û li gorî bîlançoya dawîn a fermî di encamê de 7 kuştî û 40 birîndar çêbûn, daxuyaniyeke nivîskî da. 

Partiyê diyar kir ku hedefgirtina xiristiyanan li Urdinê û li kîjan dewletên li Rojhilata Navîn be, temsîla êrişa li ser prensîbên welatîbûna wekhev û mafê olî ye, mîna van êrişan gefê li pirrengiya olî û çandî ya beşeke nasnameya herêmê û dîroka wê ye, dixwe.

Partiyê di daxuyaniya xwe de bang li hikumetên li Rojhilata Navîn, saziyên dadmendî, ewlehî, olî û sivîl kir ku parastina welatiyan û cihên pîroz ên olî bi pêş bixin, kesên ku van sûcan dikin ceza bikin, her wiha li dijî gotara nefretê bigirin.

Di daxuyaniyê de hat destnîşankirin ku xiristiyan pêkhateyeke resen a di nava civakên li Rojhilata Navîn de ne, parastina mafê wan û misogerkirina beşdariya wan a temamker di avakirina welatan, berpirsyartiyeke neteweyî û mirovahî ya hevbeş.

Partiyê sersaxî ji bo malbatên qurbaniyan û ji bo gelê Urdinê xwest, ji bo birîndaran jî şîfaya acil xwest.