Li Qamişloyê bi girseyî pêşwazî li Patrîk Mar Ignatius Ephram hat kirin

Partîkê Antakya û Tevahî Rojhilat û serokê Bilind ê Dêra Suryanî ya Ortodoks a Antakyayê Mar Ignatius Ephrafm ê Duyemîn (Seîd Kerîm) gihîşt Qamişloyê. Girseya gel, nûnerên partî, sazî û nûnerên pêkhateyên bi taybet pêkhteya Suryanî pêşwazî li Partîk kir.

Girseyî li Çerxerêya Sebe Behrat pêşwazî li Partîk kir. Dûre patrîk bi karewanekê berê xwe da dêra Mar Yaqûb El Nisêbînî.

Ev serdana bajarê patrîk ê jidayikbûnê wekî beşek ji gera piştgiriyê tê, ku girêdana wî bi xelkê herêmê re û piştgiriya wî ji bo wan di şert û mercên heyî de nîşan dide.

Patrîk Mar Ignatius Afrem sala 1965'an li Qamişloyê ji dayik bûye. 29'ê Gulana 2014'an li şûna Patrîk Zeka Iwas hat hilbijartin û 123'yemîn patrîkê Dêra Antakya û Tevahî Rojhilat û serokê Bilind ê Dêra Ortodoks a Suryanî ye. Ji wê demê ve bi navê "Partîkê Aştiyê" tê binavkirin. Hewldanên wî ji bo pêşxistgsina têkiliyên di navbera pêkhateyan û piştgiriya diyalogan û jiyana hevbeş de ne.

Di çarçoveya bernameyê de, dê serdana Tirbespiyê, Dêrik û Hesekê bike û bi girseyî were pêşwazîkirin. Di dema serdanê de dê Dêra M Dêra St. George ku yek ji mezintirîn dêrên herêmê ye, were vekirin.

(fr)

ANHA