Li Hesekê bîranîna pakrewanên azadiyê

481 şehîdên têkoşîna azadiyê bi merasîmekê li bajarê Hesekê hatin bibîranîn.

ROJANE

19 mijdar, 2024 13:30

HESEKÊ

Meclisa Malbatên Şehîdan a Hesekê û Meclisa Malbatên Şehîdan a Serêkaniyê ji bo bîranîna 481 şehîdên Îlon, Cotmeh û Mijdarê merasîmek li dar xist.

Merasîm bi amadebûna bi sedan malbatên şehîdan li Hola Reşo ya li bajarê Hesekê hat lidarxistin.

Di merasîmê de endamê Meclisa Malbatên Şehîdan a bajarê Hesekê Beşar Koş bixêrhatina beşdaran kir û şehîdên azadiyê bi bîr anîn.

Beşar Koş got: "Şehîdan ji bo parastina welat û gelê xwe canê xwe feda kir. Bi saya wan herêmên me ewle û aram bûne.”

Ji fermandarên Meclisa Leşkerî ya Hesekê Dêrsim Hesekê jî şehîdên Kurdistanê bi bîr anîn û sebir ji malbatên wan re xwest.

Dêrsim Hesekê diyar kir ku şehîdan ji bo gelê xwe û parastina welatê xwe canê xwe feda kir û wiha domand: "Wekî QSDˈê em soz didin em ê rêya şehîdên xwe bidomînin û destkeftiyên ku bi keda bi hezaran şehîdan hatine bidestxistin, biparêzin."

Di dawiyê de bi sînevîzyonekê wêneyên 481 şehîdan hatin nîşandan.

(bb)

ANHA