Ajokarên taksiyan li Hesekê ketin greveke giştî de

Tevgera taksiyên veguhestina hundirîn a bajarê Hesekê ji ber nebûna mazota xizmetguzariya ya ku beriya niha ji bo wan dihate dayîn, buhabûna lêçûna çûn û hatinê, zehmetiyên ku ajokar di rewşa buhabûna sotemeniyê de dibînin, hatin rawestandin. Gerînendetiya Sotemeniyê jî diyar kir ku miqdara heyî têra bajar nake.

22 tebax, 2026 13:32

HESEKÊ

Ajokarên taxsiyên veguhestina hundirîn li bajarê Hesekê, ji bo protestokirina mijara nedayîna mazota xizmetguzariyê ya ku bi awayeke yekser bandorê li tevgera çûn û hatinê ya li bajêr dike, karê xwe dane sekinandin.

Hejmarek ji ajokaran dan zanîn ku wan ji ber buhabûna lêçûna li çûn û hatinê, piştî rawestandina dayîna mazota xizmetguzariyê wan karê xwe da sekinandin.

Ajokaran da zanîn ku domandina xebatê di rewşeke wiha da barê wan ê aborî girantir dike.

Greva ajokaran hiştiye ku tevgera veguhestinê ya hundirê bajêr kêm bibe, qelebalix li hejmarek ji kolanan û rawestegehan zêde bûye. Li aliyeke din şênî, karmend û xwendekar ên ku çûn û hatina wan zêde ye zehmetiyan dibînin.

Ajokaran daxwaza vegera dayîna mazota xizmetguzariyê kirin, diyar kirin ku ew ê bihêle ku ew karê xwe bidomînin û rê li ber buhabûna lêçûna veguhestinê, bandora wê ya li ser ajokar û şêniya bigire.

Gerînendetiya Sotemeniyê ya bajarê Hesekê da zanîn miqdara sotemeniyê ya ku ji bo bajar dighêje dest wan têrê nake. Belavkirina wê jî pêk nehatiye, ew ê heta temamkirina para taybet bi bajêr bê belavkirin.

(sb)

ANHA