ROJANE

Hêzên dagirekr gundê Silîp ê rojavayê bajarê Girê Spî topbaran dikin.

SOHR got, leşkerekî artêşa Tirk a dagirker li bajarê Serêkaniyê yê dagirkiî ji aliyê kesên nenas ve hat kuştin.

Li taxa Neşwa Xerbî ya bajarê Hesekê  di navbera pismanên ji eşîra "Bû Miêş" de şer derket. Di encama şer de 3 kes hatin kuştin. Ji 3 kesên ku hatine kuştin 2 bira ne.

Li gorî nûçeya di Rojnews'ê de hatiye parvekirin, balafirek bê mirov ku tê îdiakirin a Îranê ye, gundê Dêgeî ya ser bi bajarokê Simîlan Şaxan a ser bi navçeya Çomanê ya dikeve ser Hewlêrê, bombebaran kir.

Piştî ku nêzî 30 leşkerên hikumeta Sûriyê vê sibehê hatin kuştin û birîndar bûn, hêzên hikumeta Sûriyê bi piştevaniya Rûsyayê, êrişeke dijwar bir ser Cebel Ekrad a bejahiya bakurê Laziqiyê.

Meclisên malbatên şehîdan ên Tebqa, Reqa û Minbicê sûcên dewleta Tirk ên hilweşandina goristanên şehîdan li herêmên dagirkirî û li Tirkiyê, şermezar kirin.

Meclisa Malbatên Şehîdan a Herêma Firatê bi daxuyaniyekê sûcên ku çeteyên DAIŞ’ê li dijî civaka êzidî ya Şengalê pêk anîne, şermezar kirin.

Yekitiya Êzidiyan a Kantona Efrînê pêşangeha wêneyan û sînevîzyoneke komkujiya ku çeteyên DAIŞ’ê li dijî civaka êzidî li Şengalê pêk aniye, vekir.

SOHR’ê daxuyand ku hêzên dewleta Tirk a dagirker bi moşekan nuqteyên hêzên hikumeta Sûriyê yên li bajarokê Seraqib ê bejahiya Idlibê topbaran kir, li gel wê jî balafirên Rûsyayê li herêmê gerîn.

Rêveberiya dergeha Sêmalkayê ragihand ku kesên pasportên iraqî pê re ne, dikarin vegerin xaka Başûrê Kurdistanê, her wiha 3 roj di hefteya bê de ji bo derbasbûnê hatine diyarkirin.

Mala Êzidiyan a herêma Cizîrê bang li civaka êzidî ya li Şengalê kir ku di parastina xak, dîrok û mîrasa kevnare de hevgirtî bin û li dora rêveberiya xwe ya xweser bicivin.

Navenda Çavdêriya Mafên Mirovan a Sûriyê ragihand ku li gundewarên bakurê Laziqiyê di navbera hêzên hikumeta Sûriyê û çeteyên dewleta Tirk de şer derket. Di encama wê de nêzî 30 endamên hêzên hikumetê hatin kuştin û birîndar bûn.