ROJANE

Çeteyên DAIŞ`ê di çend saetên borî de bi dijwarî êrişî hêzên hikumeta Şamê û komên alîgirên wê yên li çolistanê kir. Di şer de 7 endamên hêzên hikumeta Şamê û 5 çeteyên DAIŞ`ê hatin kuştin.

Balafirên şer ên Rûsyayê li dijî gundewarên Hema û Lazîqiyê yên herêma bêçek zêdetirî 7 êrişên hewayî pêk anîn.

Duh di encama hedefgirtina hêzên hikumeta Şamê ji taxên Dera El-Beled re kesek hate kuştin. Tê gotin ku wê danûstandinên nû dest pê bikin.

Li gorî Navenda Ragihandinê ya Meclisa Leşkerî ya Minbicê, artêşa Tirk a dagirker û çeteyên wê gundên rizgarkirî yên li rojhilatê Babê topbaran kir.

Îro dewreya duyemîn ji ezmûnên dawiya salê ya refa 12`an li herêma Cizîrê dest pê kir. Nêzî 2 hezar xwendekar tev li dewreya duyemîn bûne.

Di van kêliyan de balafireke keşfê ya artêşa Tirk a dagirker li ser herêma Efrînê digere.

Revandina nûnerê Rêveberiya Xweser û endamên têkiliyan yên PYD`ê ji aliyê Hêzên ewlehiyê yên PDK`ê ve kete roja 48`emîn, hîna jî çarenûsa wan ne diyar e. 

Endamê Rêveber ê Komîteya Avê ya Herêma Efrînê Seydo Seydo diyar kir ku siyaseta UNICEF`ê dide meşandin xizmeta ajandeyên Tirk û çeteyên wê û hikumeta Şamê dike û got, ger rêxistina cîhanê biryarên xwe di ber çavan re derbas neke, planeke demkî ji bo dabînkirina avê heye.

Bi armanca teşwîqkirina perwerdeya pîşesaziyê û pîşeyî, Desteya Perwerde û Fêrkirinê ya Rêveberiya Xweser a Herêma Cizîrê îsal amadekariya zêdekirina şaxên nû li qonaxa amadehiyê dike.

Artêşa Tirk a dagirker û çeteyên wê gundê Semûqa û bendava Şehba yên kantona Şehbayê hedef girt.

Malbatên şehîdan ên li navçeya Eyn Îsa êrişên dewleta Tirk a dagirker û çeteyên wê yên li ser goristana Şehîdan a bajarê Efrînê şermezar kirin.

Hevserokê Meclisa Malbatên Şehîdan a Herêma Efrînê Fewzî Mistefa bang li civaka navneteweyî û rêxistinên hiqûqî kir ku yekser destwerdanê bikin û cihên veşartina cenazeyên şehîdan eşkere bikin.