JIN

Jinên kantona Qamişloyê diyar kir ku bersiva herî xurt a li dijî zihniyeta baviksalar têkoşîn, xwerêxistinkirin û hevgirtin e.

Li bajarê Hesekê jinek li mala xwe kuştî hat dîtin.

Fermandariya Giştî ya YPJ'ê ragihand ku şervana wan Adar Cûdî ku 27'ê Tîrmehê di encama qezayekê de birîndar bibû, ruxmî hemû hewldanan jî nehatiye rizgarkirin û 31`ê Tîrmehê gihîştiye asta şehadetê.

NADA’yê ragihand ku ew piştgiriya hemleya KJK’ê ya “Li hember êrişên mêran ên hegemon, em bi jinên Efgan û Şengalê re ne’ kir û banga naskirina fermî ya qirkirina jinan û hewldanên ji bo rizgarkirina bi hezaran jin û zarokên êzidî ji destê çeteyên DAIŞ′ê kir.

Piştî fermana 2014`an a li dijî civaka êzidî û heta niha hezar û 203 jinên êzidî hatine rizgarkirin. Jinên êzidî yên Rojava jî dibêjin ew bi xurtkirina rêxistinbûna xwe bersiva fermanê didin.

Meclisa Kombûna Jinan a Zenûbya şehîdên komkujiya Şengalê bi bîr anîn û bang li civata navneteweyî kir ku berpirsyariyên xwe yên exlaqî û qanûnî bînin cih û hesab ji kesên destê wan di komkujiyê de hene, bipirse.

Ji Konferansa 2′yemîn a Mala Jinan 18 bend û planên xebatê derketin. Armanca hemû plan û bendan rêxistinkirina jinan û civakê, xebata li ser pêkanîna qanûna malbatê, avakirina Komîteya Pêşwazîkirina jinên berê xwe didin Mala Jinan û bendên din e.

Yekîneya Têkoşîna li Dijî Tundiya li ser Jinan diyar kir ku revandina jinan li Sûdanê û bikaranîna wan di aliyê cinsî de, mîna revandina jinên êzidî li Iraqê ji aliyê DAIŞ`ê ve ye.

Fermandariya Giştî ya YPJ’ê şoreşgera enternasyonalîst Elefterya Hambî bi rêzdarî bi bîr anî û diyar kir ku Elefterya Hambî îfadeya gerdûnîbûyîna YPJ’ê ye.

RJAK: Êrişên li ser Şengalê îro bi heman hişmendiyê ji aliyê dewleta Tirk a faşîst ve berdewam dikin. Berxwedana gelê me û hemû pêkhateyan, pêkanîna projeya neteweya demokratîk bersiva herî mezine ji bo dijminan e.

KJAR’ê bi wesîleya 9’emîn salvegera fermana 3’yê Tebaxa 2014’an daxuyaniyek da û got: " Jinên Şengalê li ser raman û paradigmaya Rêber Apo hêz û vîna xwe nas kirin û di beşên civakî, leşkerî û siyasî de xwe bi rêxistin kirin. Her yek bûne pêşengek ji civakê re ku di dilê DAIŞ’ê de tirsek mezin da avakirin."

Konferansa 2`yemîn a Mala Jinan a Bakur û Rojhilatê Sûriyeyê ku bi dirûşma “Em ê bi misogeriya şoreşa jina azad malbata demokratîk pêş bixin” dest pê kiribû, bi dawî bû. Beşdarên konferasê teqezî bi rola pêşeng a jinan di çareserkirina dozên jinan û parastina wê ji tundiyê de kir.