Zelal Ceger diyar kir ku AKP gelê Kurd tesfiye dike, her wiha hemleya girtinê ya dawî li Bakur û Rojhilatê Sûriyê peyama wê ‘dê serkeftinên we li Kobanê pêk anîne têk bibim’ e. Li aliyekî din jî bang li PDK’ê kir ku sedemên kolandina xendekan li seranserê sînorê Rojava û Başûrê Kurdistanê ji Sêmalka heta bi Şengalê eşkere bikin.
Rojnamevan û şîrovekarê siyasî yê tûnisî Nîzar Celîdî got ku Serokkomarê Tirkiyê Recep Tayyîp Erdogan hewl dide bi rêya xêzkirina kevana sûnî ku di bin serweriya wî de be dewleta Osmanî zindî bike. Her wiha destnîşan kir ku Erdogan li dijî kurdên li Sûriyê komkujî pêk anîn û hêmanên jiyanê dirûxîne.
Siyasetmedarên Kurd destnîşan kir ku kiryarên Tirkiyê li dijî siyasetmedarên Kurd, asta dîktatoriyê li Tirkiyê nîşan dide. Her wiha diyar kir ku binçavkirina xwepêşandêrên ku piştevaniya Kobanê dikin careke din têkilî û piştgiriya hikumeta Tirk ji çeteyan re radixe pêş çavan.
Daîreya Têkiliyên Derve ya Rêveberiya Xweser diyar kir ku projeya Rêveberiya Xweser projeyeke nîştimanî ye û zirarê li yekitiya Sûriyê ya civakî û erdnîgarî nake û destnîşan kir ku daxuyaniyên Welîd Muellîm ên li pêş Civata Giştî ya NY’yê dûrî rastiyê ne.
Salih Muslim destnîşan kir ku ev êrişên dewleta Tirk a dagirker dê şerê navxweyî bi xwe re bîne ku di vî şerî de Kurd hedef in û wiha dewam kir:“Dewleta Tirk nikare sekeftina Kobanê daqurtîne. Dibe ku dewleta Tirk dîsa xwînê birijîne, qirkirinê li ser gelê Kurd bide meşandin lê ev dê dewleta Tirk jî hilweşîne.”
Sekretêrê Giştî yê Partiya PKNK'ê Mihemed Ebas da zanîn ku tevgera PDK'ê li ser sînorê Başûr- Rojavayê Kurdistanê gefan li hewldanên yekitiya kurdî dixwe û bang li li Barzanî kir ku tevkariya xwe ya bi Erdogan re terk bike.
Şêx Misqal Recep diyar kir ku bi tifaqa kurd- erebî û pêkhateyên din çeteyên DAIŞ'ê têk çûn û got ev tifaq xaka welat ji dagirkeriyê parast û wê biparêze.
Seroka Desteya Rêveber a MSD’ê li Kobanê di panelekê de got “Dûrxistina nûnerên rastîn ên gelê Sûriyê ji kongreyên ji bo çareserkirina aloziya Sûriyê, bi awayekî neyînî û trajedîk bandor li gelê Sûriyê dike.”
Hevserokê Meclisa Rêveber a bajarê Minbicê û gundewarên wê Mihemed Xêr Şêxo piştrast kir ku dewleta Tirk siyaseta tirkkirinê dimeşîne û sivîlên herêmên dagirkirî neçar dike ku lîreya Tirkiyê bi kar bînin, da ku hegemoniya xwe li herêmê ferz bike, herêmê dagir bike û demografiya wê biguherîne.
Di rûniştinên Mafên Mirovan de rapora girêdayî rewşa Sûriyê ya Neteweyên Yekbûyî ku balê dikişîne ser sûcên şer ên artêşa Tirk a dagirker û çeteyên wê, hate nirxandin. Piştî nirxandinê, gelek dewletan xwest ku Dadgeha Ceza ya Navneteweyî (DCN) bikeve dewreyê.
Necemedîn Mele Umer diyar kir ku divê tu şaştî çênebin û hedefên dijmin pêk neyên û berê çekê ber bi birayên xwe ve nekişînin. Divê berxwedan û şehadet ji bo azadî, metoda gelê Kurd û pêkanîna hêviyên azadiyê be.
Heyeta bi serokatiya Hevseroka Giştî ya HDP'ê Pervîn Bûldan bi nûnerên 26 welatên endamên Yekîtiya Ewropayê re civîneke onlîne pêk anî.
