YJA Star: Dewleta Tirk ji bo ku vîna civakê bişikîne dest bi taciz û tecawizê kir

YJA Starê destnîşan kir ku destdirêjî û destavêtina li hember jin û zarokan bi destê dewletê bi plan û sîstematîk tê kirin û got “Dewleta Tirk a nîjadperest û zayendperest bi operasyona dagirkeriyê ya Heftanînê re hevdem li Kurdistanê ji bo vîna civakê bişikîne dest bi taciz û tecawizê kir. Bûyera dawî ya ku li Şirnexe qewimiye jî vê rastiyê nîşan dide.”

Fermandariya Eyaleta Heftanînê  ya YJA Starê têkildarî destdirêjî û destavêtina sîstematîk ku di demên dawîn de li Tirkiye û Bakurê Kurdistanê zêde bûye daxuaniyek de.

Daxuyaniya YJA Starê wiha ye:

“Dewleta Tirk a faşîst salên dawîn de di warê siyasî, leşkerî, civakî taybet jî aborî de tengasî dijî. Her ku dewlet tengijî di civakê de nakokî û aloziyên sunî ava dike û taybet jî bi exlaq, rûmet û nirxê jiyanê dilize.

Hikûmeta AKP-MHP a faşîst bi her cûre rêbazê dagirkerî, êşkence û biryarê bê dad dixwazê civak û hişmendiya civakê bigûherînê û bi vi awayi lawaztiya xwe veşêre, emrê desthilatdariya xwe direj bike. Bi gotinên şoven û nijadperest dixwazê civakê bîne hemberî hev. Operasyonên li Lîbya, Idlib, Rojava, Bakur û Başûrê Kûrdistanê yê ku li ser navê beka yê dike jî ji bo pejirandina vê rastiyê ye. Herî dawî operasyona ku li Hefteninê jî daye destpêkirin sedemek wê jî ev e.

Li hemberî erişên dewleta Tirk Kurdistan û cihan carek din jî şahidiya berxwedanek bê hempa û bê eman dike. Gerîayên demê yê ku bi stratejiya serdema nû xwe ava dike û bi perspektîfa Reber Apo a ‘‘teknîka herî mezin mirov e’’ li Heftaninê li ber xwe dide. Gerîla ji bo her bohistêk xaka Heftanînê bi rojan şer kir û li hemberî van erişa dersek mezin da dijminê dagirker. Bê guman ev şerê ku li hemberî dewleta Tirk a faşîst û xeta xiyanetê tê meşandin we mohra xwe li dîrokê bide.

Ev erişên ku li Heftaninê tê meşandin ne tenê ji bo tinekirina Tevgera Azadiyê ye di heman demê de ji bo talankirina xweza yê û taybet jî li ser hemû jina ye. Him operasyonên leşkerî û siyasî him jî qirkirin û destavetina jin û zarokan encamên hemen polîtikayê ye. Jin, zarok û şehîdên welatekî him bingeha civakê ye him jî nirxên manevî yê civakê ye. Destavetina jinan, zarokan û hilweşandina gorên şehîdan ji bo lawaz xistina vina civaka Tirkiye û Kurdistanê ye.

Jixwe di salên dawi li Tirkiyê û Kûrdistanê destdirêji bi piştgiriya hûkûmeta AKP bi awayeki bi pergal zêde dibe. Dewleta Tirk ruxmê kû hemû derfetê xwe bi kar tîne û her sal bi nav û planên cur be cur operasyonên siyasî û leşkerî dike disa ji nikarê tevgara azadiyê têk bibe. Bi hersa vê erişê civakê dike.

Dewleta Tirk a nîjadperest û zayendperest bi operasyona dagirkeriyê ya Heftaninê re hevdem li Kurdistanê ji bo vîna civakê bişkîne dest bi taciz û tecawîzê kir. Buyera dawî ya ku li Şirnexe qewimî ye jî vê rastiyê nîşan dide. Ev bûyer bi destê dewletê bi taybet hatiye plankirin. Heta cihê ku bûyer lê qewimiyê û leşkerê ku di vê bûyerê de navê wî derbas dibe ji ne tesadûf e. Herema Botanê ruxmê hemû zordarî û qirkirinê ji dirokê ve heta niha bi vîn û berxwedaniya xwe li hemberî zext û zilma dewleta Tirk sekiniye û di heman demê jî cihê ku çand û kevneşopiya Kurdayetî diparêze ye . Dîsa leşkere ku di operasyona dagirkeriya Efrînê de cih girtiye jî taybet hatiye hilbijartin. Di serî de gelê Botanê yê berxwedêr û hemû gele Kurdistanê li hemberê van erişan hişyar be. Ciwan û jinên ku van erişên qirej qebul nekirin û li hemberî van erişa rabûn jî em bi ruhê Cenga Heftaninê silav dikin.

Bê guman berxwedana ku li Heftaninê dimeşe wê bibe bersiva van erişên qirej û hişmendiya baviksalarî jî. Em gerîlayên YJA Star li Heftaninê tola hemû jina rakin.

‘GERÎLAYÊN JIN TOLA HEMÛ JINAN HILDIDIN’

Gerîlayên jin yên ku bi çalakî û tililiyên xwe ve deng didin vê cengê, bi hers û tola hemû jinan lê didin. Deng didin jinên ku nikarin li taxê bimeşin, yên ku destdirêjî lê tên kirin, yê ku li malê lêdan dixwin, yê ku di kar de mafê wê tê binpêkirin. Gerîlayên bi coş û kezî dirêj bi wêrekî û fedakartiyek mezin mewzî û çeperên dijmin heldiweşînin. Avetina her guleyek tola jinekê ye, hilweşandina her mewziyek hilweşandina zîhniyeta baviksalarî ye. Ev ceng cenga hemû jinan e.

Li HeftanÎnê gerîla bi paradigamaya Reber Apo ya demokratîk, ekolojîk û azadixwaziya jinê û bi ruhê berxwedana fermandar Esmer, Nucan, Ararat, Berivan, Zeryan, Amara, Zeynep û Viyana hemû jin ên yên Kurdistan û Tirkiyê û xaka Kurdistanê biparêze. Wek tevgera azadiya jin bangawazî li hemû civaka Kurdistan û Tirkiyê taybet jî jin û ciwanên azadixwaz dikin ku li hemberî van erişên qirej û bê exlaq bisekinin. Em gel in, jin in û mafdar in. Ger em bibin yek ti hez nikarê li hemberi me bisekine.”


Mijarên Din