Yekitiya Ewopa bi mijara aloziya Deryaya Spî û hin dosyayên din dicive

Îro piştî nîvro li Brukselê dê lûtkeya Ewropa ya taybet li dar bikeve û dê tê de gelek dosya ji wan rageşiya li Deryaya Spî ye werin nîqaşkirin.

Serokê Meclisa Yekitiya Ewropa David Sassoli got ku mijara yekemîn wê têkiliya bi Çînê re, paşê rewşa Belarus û dosyeya jehrîkirina dijberê rûsî Alexei Navalny werin nîqaşkirin.

Danê êvarê dê tenê behsa dosyaya rageşiya li Deryaya Spî û têkiliya bi Tirkiye re were kirin.

Têkildarî mijarê David Sassoli got ku ji bo garantiya ewlehî û aramiya li herêmê dixwazin têkiliyên avaker bi dewleta Tirk re çêkin û ji bo parastina pîvanên yesayî yên Yekitiya Ewopa û dewletên endam hemû pêşniyar li pêşiya wan vekirî ne.

Roja duyem dê Yekitiya Ewropayê behsa rewşa koronayê û bandora wê li qada aborî bike.

(eh)


Mijarên Din