Wezîrê Derve yê Misrê:Insiyatîfa El-Qahîra çareseriya siyasî li Lîbyayê pêk tîne

Wezîrê Karê Derve yê Misrê Samih Şukrî, anî ziman ku insiyatîfa Misrê çareseriya siyasî li Lîbyayê pêk tîne.

Şukrî bi rêya telefonê bi Sekertêrê Giştî yê NY`yê  Antonio Guterres axivî û diyar kir ku insiyatîfa El-Qahîra, ji bo çareserkirina aloziya li Lîbyayê ye û di nava xwe de derfetên pêkanîna çareseriya siyasî li dewleta cîranê xwe de yê ku ketiye çiraveke tevlevhiyê, dihewîne.

Şukrî destnîşan kir ku insiyatîfa El-Qahîra di çarçoveya rêgez û encamên kongreya Berlînê ya navneteweyî ya Lîbyayê de, kar dike.

Misrê di Hezîrana derasbûyî de, insiyatîfa agirbestê li Lîbyayê ragihand.

Li gorî insiyatîfê, divê hemû hêzên biyanî hemû çeteyan derxin û milîsan jihev bixin û çekên wan radest bikin. Di heman demê de, kar û xebata komîteya leşkerî 5+5 li Cinêvê, were dewamkirin.

(kc)


Mijarên Din