Washingtonê pêşniyara Almanya ya avakirina herêma ewle erê kir

Ruetersê ragihand, DYA`yê  bi baldarî pêşniyara Almanya ya avakirina herêma ewle li Bakurê Sûriyê erê kir û banga lêpirsîna gumana pêkanîna sûcên şer di êrişên Tirkiyê yên li ser herêmê de kir.

Beriya du rojan Almanya pêşniyar kirirbû ku herêmeke ewle li Bakurê Sûriyê were avakirin da ku sivîl û koçber bêne parastinê û misogeriya şerê dijî DAIŞ`ê dewam bike. Lê ta niha detayên pêşniyarê ne zelal in.

Nûnera Amerîka ya li gel NATO`yê Kay Bailey Hutchison wiha got: "Washingtonê pêşinyara Berlînê ya avakirina herêma ewle li Bakur û Rojhilatê Sûriyê erê kir."

 Kay diyar kir ku divê hevkarên ewropa bi berpirsyariya xwe rabe.

Balyoza Amerîka ya li gel NATO`yê Kay Bailey Hutchison behsa plana Almanya kir "Ji komên ewropî pêk tê û dê bibe beşek ji hêzên parastina aştiyê ya navdewletî."

Kay wiha got: "Bê guman ew baş e",  lê hişyarî da ku ew ji bandora hevpeymana duh a di navbera Serokê Rûsya Pûtîn û serokkomarê Tirkiyê Recep Tayyîp Erdogan li ser pêşinyara Almanya bi fikar e.

Şêwermend Kay beriya civîna wezîrên parastinê yên dewletên NATO`yê ku dê roja Pêncşemê li dar bixin, banga lêpirsînê der barê gumana pêkanîna sûcên şer  de di êrişa Tirkiyê li ser Bakur û Rojhilatê Sûriyê de kir.

Her wiha bang li dewletên Ewropa kir ku hemwelatiyên xwe yên di nav DAIŞ`ê li Sûriyê şer kirin, bigirin.


Mijarên Din