Volkswagenê ji ber êrîşên dewleta Tirk biryara vekirina febrîqeya nû ya li Tirkiyê taloq kir

Şîrketa erebeyan Volkswagenê diyar kir ku ji ber êrîşên dewleta Tirk a dagirker ên li dijî Bakur û Rojhilatê Sûriyê, biryara xwe ya ji bo vekirina febrîqeyeke nû li Tirkiyê taloq kiriye.

Berdevkê lijneya rêveberiyê ya Volkswagenê diyar kir ku biryara febrîqeya nû ji aliyê rêveberiyê ve hatiye taloqkirin. Berdevk got: "Em rewşê ji nêz ve dişopînin û ji rewşa heyî bi fikar in."

Volkswagenê beriya niha biryar dabû ku febrîqeya xwe ya nû li şûna Romanyayê yan jî Bulxaristanê, li Tirkiyê ava bike.

Ji bo febrîqeyê dê ji 1.2 heta 1.5 milyar euro razemenî bihata kirin û derdora 4 hezar kes lê bihatina xebitandin.

(bx)

 


Mijarên Din