Têkildarî êrîşên dagirkeriya Tirk, Pentagonê daxuyanî da

Li gorî Associated Press Pentagon êrîşên Tirkiyê li ser Bakur û Rojhilatê Sûriyê bi tehdîdek li dijî pêşketina şerê DAIŞ`ê wesifand, her wiha wê wek tehdîdek muhtemel li ser hêzên amerîkî hesiband.

Di daxuyaniyek nivîskî de îro berdevkê fermî yê Pentagonê Jonathan Hoffman got Wezîrê Parastinê yê amerîkî Mark Esber bi rêya telefonê bi hempêşiyê xwe yê tirkî re axivî û got DYA`yê li dijî êrîşê ye.

Pentagon beriya êrîşan got ew êrîşan erê nake.

Hoffman got Esber ji hempêşiyê xwe yê tirkî re ragihand ku êrîşên Tirkiyê pêşketina ji bo tunekirina DAIŞ`ê dixe xeteriyê. Esber ji Tikriyê  xwest ku êrîşên xwe rawestîne.

Esber got Tirkiyê piştî êrîşên li ser Bakur û Rojhilatê Sûriyê xwe dike hember xeteriya encamên cidî. Her wiha metirsiyên xwe ji vê yekê anî ziman ku dibe zirarê bi karmendên amerîkî yên li Sûriyê bike.

(şx)


Mijarên Din