Şêxê êla Cewala: Nameya Ocalan ji bo me cihê serferaziyê ye

Ji şêxên êla Cewala Ebdulrehman El-Reşîd bal kişand ser nameya dawî ya Rêberê Gelê Kurd Abdullah Ocalan û got: "Nameya Ocalan ji bo me cihê serferaziyê ye û asta têkoşîna xwe mezintir dike."

Rêberê Gelê Kurd Abdullah Ocalan di 12‘ê Tebaxê de bi rêya birayê xwe Memet Ocalan nameyek şand. Ocalan di nameya xwe de silav ji gelê Ereb ê Sûriyê re sand. Eşîrên Ereb ên Bakur û Rojhilatê Sûriyê eleqeyek mezin nîşanî nameya Ocalan dan.

Ji rûspiyên êla Cewala ya li herêma Cizîrê Şêx Ebdulrehman El-Reşîd got: “Nameya ku Rêberê Gelê Kurd Abdullah Ocalan ji êlên Ereb re şandibû tiştek ne xerîb e. Nameya ji rêberekî leheng mîna Ocalan ê ji bo gelê herêmê têdikoşîne cihê serferaziyê ye. Hêzê dide me ku em têkoşîna avakirina jiyaneke azad mezintir bikin."

El-Reşîd diyar kir ku bandora Rêber Ocalan li ser gelên herêmê mezin e û wiha domand: "Tevî tecrîda li ser wî hatiye ferzkirin, lê bi hemû dozên Rojhilata Navîn agahdar e û kilîtên çareseriyê pê re hene. Gelê herêmê hevgirtina ku pîr û kalan li gorî rêgeza netewa demokratîk di navbera pêkhateyên herêmê de ava kirine, parastin.”

El-Reşîd bal kişand ser girîngiya parastina xakê, hevgirtina pêkhateyan û wiha pê de çû: “Hevgirtin erekekî mirovî û exlaqiye ku ji hemû eşîrên Ereb tê xwestin. Me bi pêkhateyên din re ji bo avakirina civakeke azad û demokratîk ji bo tevahî sûriyan gelek qurbanî dan. Em di têkoşîna xwe de berdewam in."

Şêx Ebdulrehman El-Reşîd spasiya Ocalan kir û got: “Divê êlên Ereb li pişt hêzên xwe yên leşkerî bin û yekîtiya xaka Sûriyê biparêzin.”

(bb/bm)

ANHA


Mijarên Din

Li Ezazê mayinek teqiya