4'emîn Sempozyuma Rojava ya Hunera Şêwekariyê di roja 6'emîn de bi dawî bû. Di roja dawîn de Meclisa Rêveber a Herêma Firatê li avahiya xwe ya li bajarê Kobanê şêwekarên ku beşdarî sempozyûmê bûbûn xelat kirin.
Di dema dayîna xelatan de, hevserokê Meclisa Rêveber a Herêma Firatê Mihemed Şahîn, spasiya tevahî şêwekarên ku beşdarî sempozyumê bûbûn kir û got ev çalakî balkêş û pîroz bû.
Piştre Rêveberiya Xweser plaket dan şêwekaran û komîteya ku sempozyum bi rêxistin kir.
4'emîn Sempozyuma Hunera Şêwekariyê 20'ê Gulanê bi beşdarbûna bi dehan şêwekarên ji herêmên Bakur û Rojhilatê Sûriyeyê destpê kiribû.
(bb)
ANHA
