Stasyona avê ya nû ya Deşîşayê pêdiviya 20 hezar kesan dabîn dike

Bajarokê Deşîşa di demeke berê de di gelek astengiyên ava vexwarinê bi sedema şorbûna ava bîran û kêmbûna stêran re derbas bû. Lê belê stasyona nû ya avê pêdiviya zêdetirî 20 hezar şêniyan dabîn kir.

Piştî azarên şêniyên Deşîşa û gundewarên wê ji kêmbûna ava vexwarinê, astengiya gihandina stêran û daxwaza vekirina stasyona paqijkirina avê, Rêveberiya Xweser stasyona 4’emîn li Deşîşa vekir. Ya yekemîn li Hol, duyemîn û sêyemîn li navçeyên Erîşa û Ebdan hatin vekirin.

Stasyona ku Meclisa kantona Hesekê vekiriye, di saetekê de zêdetirî 6 metrekabik avê derdixe.

Rêveberê Gerînendetiya Avê ya Hesekê endezyar Abdurehman Xerbî bal kişand ser ku Rêveberiya Xweser li ser dabînkirina ava vexwarinê ya ji herêmên başûr re dixebite û hewl dide pirsgirêka avê çareser bike. Her wiha jî Xerbî tekez kir ku stasyona Deşîşa dixebite û enerjiya wê ya berhemdayînê zêdetirî 6 metrekabik di seatekê de ye.

Xerbî diyar kir ku stasyonê pêdiviya zêdetirî 20 hezar şêniyan dabîn dike. Stasyon amade ye stêran tijî bike û avê ji şêniyan re veguhêze.

Li aliyekî dîtir jî Muhsin Abdullah ji şêniyê bajarokê Deşîşa da zanîn ku berê pir azar der barê ava vexwarinê, kêmbûna stêran û bihabûna avê de dikişandin. Her xizaneyek 5 bermîl bihayê wê gihaşt 4 hezar lîreyên Sûriyê.

Xidir Yûnis ji şêniyê bajarok e û spasiya Rêveberiya Xweser ji bo çareserkirina krîzê û bersivdana bangên şêniyan di dema guncaw de kir, ji ber ku bi sedema şer ji hêla komên çeteyan ve pir xirabî û wêrankirin li herêmê pêk hatin.

(fr)

ANHA


Mijarên Din