Îsraîl ji ber vekişîna hêzên DYA’yê ji Iraqê bi fikar e

Navenda Lêkolînên Ewlehiya Neteweyî ya Îsraîlê li ser bandor û xetereya vekişîna hêzên DYA`yê ji Iraqê hişyarî da û destnîşan kir dê ev gav rê li pêşiya Îranê veke, ev jî dê ji bo berjewendiyên Îsraîlê gefeke yekser be.

Çapemeniya Îsraîlê daxuyand ku Navenda Lêkolînên Ewlehiya Neteweyî ya Îsraîlê di raporekê xwe ya têkildarî bandorên vekişîna hêzên DYA`yê ji Iraqê  li ser Îsraîlê de hişyarî da.

Malpera ‘i24news’ ya Îsraîlê da zanîn ku hikumeta DYA`yê dibîne ku eger serokê istîxbarata Iraqê  Mustafa Kazîmî wek serokwezîrê iraqî bê erkdarkirin, dê ji bo xurtbûna hêza DYA’yê li Iraqê  derfetek be û hewldanên Îranê yên li dijî DYA`yê bi bin bixe.

Malperê wiha da zanîn: "Tê texmînkirin ku diyaloga stratejîk a tê payîn ku di navbera DYA û Iraqê  de pêk bê, gengaz e ku têkiliyên di navbera her du welatan de xurt bike.” 

Her wiha diyar kir ku dibe encamên hevdîtinê bandorê li pêşeroja hebûna leşkerî ya DYA`yê li Iraqê  bikin û wiha daxuyand: "Biserketina diyaloga her du welatan ji berjewendiya Îsraîlê re ye, lê belê vekişîna hêzên DYA`yê ji Iraqê  dê rê bide Îranê ku bibe xwedî hêz di herêmê de. Divê Îsraîl baldar be û di ber çav re derbas bike ku dibe operasyonên leşkerî yên Iraqê  bandoreke neyînî li berjewendiyên DYA`yê û diyaloga bi Iraqê  re bike."


Mijarên Din