Îsraîl: Em amade ne peymana pevguhertina girtiyan pêk bînin

Îsraîl ragihand, ji bo pevguhertina girtiyan ew amade ye bi Tevgera Hemasê re dest bi diyalogan bike.

Buroya Serokê Hikumeta Îsraîlê Benjamin Netanyahu got: "Tîma karûbarên dîlgirtiyên Îsraîlê banga destpêkirina diyalogek yekser bi navbeykariyan kir da ku kuştî û windahiyan li Xezayê vegerînin."

Di daxuyaniya xwe de Benjamin Netanyahu got: "Tîmê bi hevkariya Desteya Ewlehiya Neteweyî û saziya ewlekariyê bi awayekî çidî amade ne da ku kuştî û windahiyan vegerînin û vê dosyayê bigirin."

Serokê Tevgera Hemasê li Xezayê Yihya El-Sinwar ragihandibû ku tevger ji peymana pevguhertinê re amade ye, serbestberdana dîlgirtiyên filistînî yên tememezin, jin, nexweş û zarok misoger dike. 

Rojnameya Îsraîlê girêdayî însiyatîfa Hemasê wiha nivîsî: "Ew mîna çerxekî di helwesta Hemasê de ye û pêşnumeyek gelek kêm e.  Divê Îsraîl asta cidîbûna Hemasê di vê pêşnumeyê de lêkolîn bike."

Di şerê Îsraîlê yê dawîn yê li dijî Xezayê sala 2014`an de Tevgera Hemasê ragihandibû ku hejmarek leşkerên Îsraîlê dîl girtine beyî ku deteyên dîtir eşkere bike.

Di sala 2011`an de Tevgera Hemas û Îsraîlê girtî bi hev ve guherandin. Hemasê leşkerê Îsraîlê Gilad Shalit, li beramberî serbestberdana hezar û 27 dîlgirtiyên filistînî di girtîgehên Îsraîlê de bi hev guhertin.

(şx)


Mijarên Din