SOHR: Li Idlibê bi kêmanî 5 leşkerên Tirk hatin kuştin

Hate ragihandin ku di bombebarana balafirên Rûsya û rejîma Sûriyê yên li dijî nuqteyên çavdêriyê yên artêşa Tirk ên li Idlibê de herî kêm 5 leşkerên Tirk hatin kuştin.

Çavkaniyan ji "Skynews" re diyar kirin ku balafiran nuqteyên çavdêriyê yên Tirkiyê yên li herêma Kensefra yê bejahiya başûrê Idlibê kirin hedef, di encamê de bi kêmanî 5 leşkerên Tirk hatin kuştin.

Navenda Çavdêriyê ya Mafên Mirovan a Sûriyê (SOHR) ragihand ku di bomberdûmana balafirên rejîma Sûriyê û yên Rûsyayê yên li dijî nuqteyên çavdêriyê yên li başûrê Idlibê de 10 leşkerên Tirk ji kuştî û birîndar hene.

SOHR, got di derbeya hawayî de gelek maşîneyên Tirkiyê hatin bêbandorkirin û şewitandin.

Der barê van derbeyan de heta niha ji aliyê Tirkiyê ve tu daxuyanî nehatin dayîn.

SOHR, ragihand ku wê êrişek bejahî nû ji aliyê hêzên dagirkeriya Tirk û çeteyên wê li dijî bajarokê Neyrebê de ku di bin kontrola rejîmê de şopand.


Mijarên Din