​​​​​​​Şêniyên Til Hemîsê xwest rewşa Ocalan bê eşkerekirin

Şêniyên navçeya Til Hemîsê daxwaza eşkerekirina rewşa tenduristiya Ocalan û hevdîtina bi parêzeran re kir, her wiha soza berdewamkirina têkoşînê heta azadkirina Ocalan dan.

Piştî bihîstina agahiyên der barê şewata li girava Îmraliyê de bi sedan şêniyên navçeya Til Hemîsê tevî endamên saziyên sivîl li pêşiya Meclisa Gel a navçeyê kom bûn. Şêniyan wêneyên Abdullah Ocalan rakirin.

Heserokê Şaredariya Navçeya Til Hemîsê Hiyal El-Xiwêr daxuyanî xwend.

Daxuyanî wiha ye:  

“Hevalên hêja, îro me agahiya şewata li girava Îmraliyê bihîst ku rêber Abdullah Ocalan lê tê girtin. Wek şênî û saziyên Til Hemîsê, em daxwaza eşkerekirina detayên şewatê û rewşa Ocalan dikin. Her wiha divê destûr bê dayîn ku parêzerên Ocalan muwekîlê xwe bibînin. Em soz didin ku heta azadkirina rêber Ocalan em ê têkoşîna xwe berdewam bikin."

Daxuyanî bi dirûşmên ji bo azadiya Ocalan bi dawî bû.

(cx)

ANHA


Mijarên Din