Şêniyên Tebqayê êrişên dewleta Tirk şermezar kirin

Bi dehan şêniyên bajarokê Curniyê yê Tebqayê bi xwepêşandaneke girseyî êrişên bênavber ên artêşa Tirk a dagirker û çeteyên wê yên li ser Bakur û Rojhilatê Sûriyê şermezar kirin.

Xwepêşandan ji pêş Navenda Curniyê ya Çandê ya li rojhilat ber bi Meclisa Sivîl a li naverasta bajarokê ve dest pê kir. Di xwepêşandanê de şêniyan diruşmên hilweşîna dewleta Tirk a dagirker û şermezarkirina bêdengiya navneteweyî berz dan.

Xwepêşandêran alên QSD’ê û wêneyên şehîdan hildan û soza berdewama berxwedan û bilindkirina têkoşînê heta bidawîkirina dagirkerî û sûcên wê, da.

Xwepêşandêran li pêş Meclisa Sivîl a Curniyê deqeyeke rêz girt, piştre hevseroka Meclisa Malbatên Şehîdan a Curniyê Ibtîsam Îbrahîm û hevseroka Meclisa Sivîl a Curniyê Yehya Şiblî axivîn û sûcên artêşa Tirk a dagirker û çeteyên wê yên li dijî gelên herêmê hilgirt ser civaka navneteweyî.

Di axaftinan de soza şopandina rêça şehîdan a parastina destkeftiyan, bilindkirina têkoşîn û berxwedanê heta têkbirina dagirkeriyê hate dayîn.

(fr)

ANHA


Mijarên Din