Şêniyên Kobanê sersaxî da malbatên 2 şehîdan

Şêniyên kantona Kobanê sersaxî da malbata şehîd Elenda Mihemed ku di qezayekê de li Qamişloyê şehîd bûbû û malbata şehîd Mehmûd Qadir ku li herêma Cîlo di berxwedana li dijî artêşa Tirk a dagirker de şehîd bûbû.

Şêniyên kantona Kobanê û Meclisa Malbatên Şehîdan a herêma Firatê û nûnerên Rêveberiya Xweser, endamên Partiya Yekitiya Demokratîk (PYD) şaxê herêma Firatê sersaxî da malbatên şehîd Elenda Mihemed (Zîlan Destan) û şehîd Mehmûd Qadir (Çiyager Amed).

Merasîma sersaxiyê li Kobanê li pêşiya mala malbata şehîd şehîd Elenda Mihemed li dar ket.

https://www.hawarnews.com/kr/uploads/files/2021/06/16/124244_-.jpg

Di merasîmê de hevseroka Nivîsgeha Têkiliyên Dîplomatîk a PYD`ê şaxê herêma Firatê Almaz Rûmî axivî û got şehîdan ji bo rûmeta gelê xwe canê xwe feda kir.

Her wiha bavê şehîd Elenda Mihemed Ferzo Mihemed axivî û got: “Zîlan dixwest tiştekî ji gelê xwe re pêşkêş bike û di dawiyê de hêviyên xwe pêk anîn.”

https://www.hawarnews.com/kr/uploads/files/2021/06/16/124314_-.jpg

Di dawiya merasîmê de wesîqeya şehadeta şehîd radestî malbatê hat kirin.

Her wiha konê sersaxiyê yê şehîd Mehmûd Qadir li pêşiya mala malbata wî ya li Kobanê hat vedan.

https://www.hawarnews.com/kr/uploads/files/2021/06/16/124139_-.jpg

Di merasîmê de endamê Meclisa Malbatên Şehîdan a herêma Firatê Silêman Silêman axivî û soza şopandina rêya şehîdan da.

Şehîd Elenda Mihemed (Zîlan Destan) di 13`ê Hezîranê de li Qamişloyê di encama qezayekê de şehîd bûbû.

(şx)


Mijarên Din