Şêniyên Dêrikê sersaxî ji malbata şehîd Emgîhan Cûdî re xwest

Bi hezaran şêniyên herêma Dêrik û Girkê Legê û li Navenda Şehîd Bawer a Ciwanan a li Dêrikê sersaxî ji malbata şehîd Emgîhan Cûdî re xwest.

Şêniyên Dêrik û Girkê Legê û navçeyên wê, endamên saziyên sivîl û Meclisa Rûspiyan û şervanên YPG, YPJ û Hêzên Ewlekariya Hundirîn berê xwe da konê sersaxiyê yê şervana YPJ`ê Emgîhan Cûdî (Xemê Pusat) ku di encama krîza dil de  li Kobanê şehîd bûbû.

Navenda Şehîd Bawer a Ciwanan bi wêneyên Rêberê Gelê Kurd Abdullah Ocalan û wêneyên şehîd Emgîhan û alên YPG û YPJ`ê hate xemilandin.

Merasîma sersaxiyê bi deqeyeke rêzgirtinê dest pê kir, paşê bi navê Meclisa Malbatên Şehîdan Sûad Mihemed axivî û sersaxî ji malbata şehîd Emgîhan û gelên Bakur û Rojhilatê Sûriyê re xwest. Sûad destnîşan kir ku şehîd Emgîhan Cûdî li parçeyên Kurdistanê li dijî faşîst û dagirkeran û heta kêliya dawîn a jiyana xwe ji bo doza gelê xwe tê koşiya.

Her wiha bi navê Kongreya Star û Partiya Yekitiya Demokratîk axaftin hatin kirin û soza şopandina rêya şehîdan dan. Axêveran diyar kir ku pêvajoya ku herêm tê re derbas dibe, dîrokî û hesas e, divê her kes bi erka xwe rabe û di rêya şehîdan de bimeşe. Her wiha soza bilindkirina tekoşînê li dijî faşîzma Tirkiyê dan.

Merasîma sersaxiyê bi xwendina nasnameya şehîd Emgîhan Cûdî û dirûşmên silavkirina şehîdan bi dawî bû.

ANHA

 


Mijarên Din