Sûcên li Efrînê berdewam dikin, sivîlên din hatin revandin

Artêşa Tirk a dagirker û çeteyên wê revandina sivîlan û daxwaza fidyê ji malbatên wan didomîne.

Çavkaniyekî xwecihî ji Efrînê diyar kir ku çeteyên artêşa Tirk beriya çend rojan girtin ser mala welatiyê bi navê Mihemed Xelîl Cûma yê ji gundê Kîmar ê navçeya Şêrawayê.

Çavkanî got "Çetayan êrîşî mala Mihemed kirin û bi awayekî hovane wî li pêşiya çavên hevjîn û zarokên lêdan kirin. Piştî telefona destan a wî û hevjîna wî birin ew birin cihekî ne diyar ."

Heman çavkanî diyar kir Mihemed ji ber lêdana ku xwariyê nikare bimeşe û destnîşan kir ku heta niha aqûbeta wî ne diyar e.

Li aliyekî din jî çeteyan welatiyek ji Kolana Vêlat a bajarê Efrînê revandin û  ji bo berdana wî daxwaza fidya 200 hezar lîreyên sûrî li malbata wî kiribû. Piştî malbata fiya peyda kir hate berdan.

Her wiha çeteyên artêşa Tirk a dagirker 5 sivîl ji gundê Golîlka yê navçeya Mabatayê  revandin. Kesên hatin revandin, Mihemed Elî Xelîl Hemo, Luqman Mihemed Hemo, Rîfayî Hikmet Îbrahîm Hemo, Hesen Reşad Hemo û Fewzî Ebdulqadir Hemo.

Ji gundê Basûta yê navçeya Şêrawayê yê çeteyan welatiyê bi nave Mihemed Ehmed Xidir revandin.

Aqûbeta kesên hatina revandin nediyar e.

ANHA


Mijarên Din