Şaxa Ewqafê ya Dêrikê bi meleyên mizgeftan re civiya

Şaxa Ewqafê ya bajarê Dêrikê ji bo nîqaşkirina geşedanên dawîn û pêwîstiya xurtkirina yekitiya nîştimanî li gel êrişên li dijî her çar parçeyên Kurdistanê, civînek ji meleyên mizgeftan re li dar xist.

Şaxa Ewqafê ya bajarê Dêrikê civîn li Mizgefta Mezin li dar xist. Mele û oldarên herêma Dêrikê û navçeyên wê tev li civînê bûn.

Gerînendeyê Şaxa Ewqafê ya Herêma Cizîrê Seîd Hesam di civînê de axivî û hewldanên yekitiyê silav kirin û got: “Di vê pêvajoyê de pêkhatina lihevkirinê di navbera partiyan de ji bo gelê me serkeftinek e. Yekitî hêz e û gelên xwedî hêz û israr nayên têkbirin. Gelên herêmên Bakur û Rojhilatê Sûriyê bi xwîn û fedakariyên ciwanên xwe destkeftiyên bêhempa bi dest xistin.”

Hesam bang li oldaran kir ku li hemberî siyasetên artêşa Tirk a dagirker a ku olê bi kar tînin da ku armancên xwe li herêmê pêk bînin, berpirsyariyên xwe bi cih bînin.

(şx)

ANHA


Mijarên Din