PYD’ê li Helebê pêşangeha pirtûkên Ocalan vekir

Bi dirûşma "Bi fikr û felsefeya Rêber Apo dê mirovahî ji destpoîzmê rizgar bikin" PYD’ê pêşangeheke pirtûkên Rêberê Gelê Kurd Abdullah Ocalan li taxa Şêxmeqsûd a Rojava ya bajarê Helebê vekir.

Partiya Yekitiya Demokratîk (PYD) li navenda taxa Şêxmeqsûd a Rojava ya bajarê Helebê roja şemiyê pêşangeha pirtûkên Rêberê Gelê Kurd Abdullah Ocalan li dar xist.

Di pêşangehê de bi dehan endamên sazî û partiyên siyasî ji pêkhateyên Ereb û Kurd beşdar bûn.

Endama Rêveberiya Buroya Perwerdeyê ya PYD’ê ya Helebê Elîfe Hesen vekirina pêşangehê li beşdaran pîroz kir û got: "Armanc ew e ku bale bikişînin ser ramanên fîlozofê serdemê Abdullah Ocalan."

Piştre Elî Mistefa endamê Meclisa PYD’ê gotina Ocalan a "Bi fikr mirov tên avakirin û bi mirovên difikirin, şaristanî tê avakirin" bi bîr xist û tekez kir ku destkeftiyên Şoreşa 19’ê Tîrmehê bi saya fikrên Ocalan in.

Deriyê pêşangehê ji hêla hevjîna şehîd Emar ê ku di şerê taxa Şêxmeqsûdê şehîd bûbû, hat vekirin.

Ajansa me ANHA’yê hevpeyvîn bi beşdarekî yê bi navê Îsam Ezoz re çêkir. Îsam wiha axivî: "Fikrên Ocalan afirîner in û di çareseriya krîza vî gelî û Rojhilata Navîn de pêkan in. Divê mîna van pêşangehan li tevahî Sûriyê bên lidarxistin."

PYD’ê pirtûk li tevahî beşdaran belav kirin. Pêşangeh dê 2 rojan bidome û ji saet 11:00’an heta 17:00’an vekirî be.

(fr)

ANHA


Mijarên Din