Pompeo gihîşt Behrênê

Wezîrê karên derve yê Amerîkayê Mike Pompeo di çarçoveya gera xwe ya li Rojhilata Navîn de, îro jî çû Behrênê.

NAVENDA NÛÇEYAN

Wezîrê karên derve yê Amerîkayê Mike Pompeo piştî ku serdana Urdun, Iraq û Misrê kir, îro jî serdana Behrênê kir.

Li gorî AFPê, Pompeo diyar kir ku ji bo parastina piştgiriya enerjiyê ya cîhanî, şerê li dijî “terorîstên îslamî yên radîkal” û sekna li dijî Îranê hevkariya bi dewletên Kendavê re girîng e.

Tê payîn ku Pompeo sibê bi qralê Behrênê Hemed Bin Îsa Al Xelîfe û waliyê Ehdê Selman û Şêx Xalid Bin Ehmed Al Xelîfe re bicive.

Piştî Behrênê Mike Pompeo dê berê xwe bide Îmarata Erebî, paşê jî biçe Qeter, Erebistana Siûdî, Eman û Kiwêtê.

(bx)


Mijarên Din