Pentagon: DAIŞ ji nû ve li Sûriyê vedigere û li Iraqê jî hêza xwe xurt dike

Çavdêrê giştî yê Wezareta Parastinê ya DYA’yê roja sêşemê bi raporekê diyar kir ku bi vekişandina DYA`yê ji welêt re, DAIŞ dîsa li Sûriyê hewldana zindîbûnê dike û li Iraqê jî hêza  xwe xurttir kir

Di rapora Wezareta Parastinê ya DYA’yê (Washington) de wiha hate gotin: "Tevî ku li ser asta herêmî DAIŞ bi bin ket, lê Iraqê dîsa hêza xwe xurt kir û li Sûriyê jî careke din çalakiyên xwe xurt kirin.”

Li gorî raporê ku rojnameya Beyan weşandiye, DAIŞ`ê li her du welatan dikaribû destekê bide operasyonên xwe û yekitiya xwe ava bike. Sedemeke vê yekê jî ji ber ku hêzên herêmî nikarin operasyonên domdar pêk bînin an jî gelek operasyonan di heman demê de pêk bînin û parastina xaka ku dîsa bi dest xistiye, bikin.

Raporê destnîşan kir ku bi vekişandina Washingtonê ji Sûriyê re, DAIŞ`ê xwe dîsa zindî kir.

Tevî ku DAIŞ ji herêmên rojhilatê Sûriyê yên di bin serweriya wê de hate derxistin jî, lê hêj li bajarokên Sûriyê û yên bejahiya rojhilatê Humsê û heta bi sîronê Iraqê belav dibe.

Di 23`yê Adarê de DAIŞ di milê leşkerî de têk çû û şer li rojhilatê Sûriyê bi dawî bû. Paşê QSD`ê pêngaveke nû ji şerê li dijî DAIŞ’ê ragihand ku ew jî bi hevkariya Koalîsyona Navdewletî re têkoşîna li dijî şaneyên veşartî bû.

Analîzvan û pisporên leşkerî tekez dikin ku têkbirina DAIŞ`ê, nayê wateya ku metirsiya wan bi dawî bûye, di heman demê de dikare şaneyên xwe yên veşartî ji çolistana Sûriyê, li herêmên ku jê hatiye derxistin, tev bigerîne.

(eh)


Mijarên Din