Opozîsyona Sûriyê: Êrîşên li ser bakurê Sûriyê tenê xewneke kevn in

Partî û komên di nava opozîsyona Sûriyê de cih digirin, êrîşên dewleta Tirk ên li ser herêmên Bakur û Rojhilatê Sûriyê red kirin û gotin ev çeteyên Tirkiyê yên siyasî rê li pêşiya vê yekê vedikin û vê yekê wek “xewneke kevn” bi nav dikin.

Têkildarî êrîşên dewleta Tirk helwestên komên di bin bane ‘Desteya Diyalogên Bilind’ de cihê xwe digirin, bi nakok in. Deste ji platformên Qahîre, Moskov, Riyad û desteyên koordîneyên navneteweyî û yên serbixwe pêk tê.

Platforma Qahîreye êrîşên dewleta Tirk bi daxuyaniyekê red kirin û wiha ragihand: "Em wek Platforma Qahîreyê piştî serokê Amerîkayê hêzên xwe ji herêmên Bakur û Rojhilatê Sûriyê vekişandin, di navbera dewleta Tirk û Bakurê Sûriyê de şer derket û em li hemberî vê yekê nerehet in."

Platforma Qahîreyê wiha li daxuyaniya xwe zêde kir: "Em bi tundî van kiryarên leşkerî red dikin, her wiha em wek şerê li Sûriyê dinirxînin ku dê sivîlan bike qurban, pêla koçberiyê û penaberiyê xurttir bike, her wiha dê çareseriya siyasî aloztir bike. Tê zanîn ku hêj hêzên siyasî yên neteweyî ji bo çareseriya Sûriya demokratîk û yekitiya gelan dixebitin."

Platfora Qahîreyê wiha dawî li daxuyaniya xwe anî: "Em hemû guhartinên demografîk, kiryarên tund ên li dijî Bakur û Rojhilatê Sûriyê red dikin.”

Partiya Rêveberiya Gel ku serokê Platfora Moskovê Qedrî Cemîl serokê wê ye, destwerdanên Tirkiyê wek dijminê diyarker wesif kirin û bang kir ku êrîşan yekser rawestînin û li gorî pîvanên diyalogên Astanayê yên di nava zagonên navdewletî de tev bigerin.

Têkildarî doza kurdî partî dibîne ku bi rêya diyalogên Sûrî-Sûrî, û proseyên siyasî yên ku biryara 2254’an wê bi rê ve dibe û rêya parastina xaka Sûriyê tê çareserkirin.

Her wiha çeteyên Tirkiyê ku bi Neser El-Herîrî tên naskirin û Desteya Diyalogan wan bi rê ve dibe û rê li pêşiya êrîşên li ser Bakur û Rojhilatê Sûriyê vedikin, diyar kirk u "Herêma ewle xewneke kevn e."

Ji derveyî komên çete yên ku desteka xwe ji Tirkiyê werdigirin, hemû gelê Sûriyê êrîşên deweta Tirk red dikin.

(eh)

 


Mijarên Din