Navenda tenduristiyê ya Erîşa barê şêniyan sivik dike

Navenda tenduristiyê ya navçeya Erîşa ximzetguzariya şêniyên zêdetirî ji hezar û 200 rewşên nexweşiyê re di mehekê de dike û piraniya wan jî zarok in. Bi wê re jî barê şêniyan ji çûna navendên taybet sivik dike.

Desteya Tenduristiyê ya Rêveberiya Xweser a Bakur û Rojhilatê Sûriyê, navendeke tenduristiyê  ji gel re li navçeya Erîşa ya girêdayî kantona Hesekê di 2’yê Hezîrana 2018’an de, da ku xizmetî navçe û gundewarên wê bike, vekir. Li navendê alavên bijîşkî, dermanxane û kadroyên bijîşkiyê hene, da ku piştevaniya û xizmetê şêniyan bê pere bikin.

Piştî daxwazên şêniyên herêmê yên dabînkirina kadroyên bijîşkî û ji ber ku pêdiviya navendan bi kadroyan heye, Rêveberiya Xweser û Meclisa navçeya Şedadê gelek dewreyên hemşîretiyê vekirin. Hemşîreyên perwerde bi dawî kirine, li navendên herêmê hatin belavkirin. Jê jî navenda navçeya Erîşa ye.

Li rex pêşkêşkirina xizmet û piştevaniya bijîşkî ji tevahî şêniyên ku berê xwe didin navendê, navend xizmetan ji rewşên awarte re weke bûyerên trafîkê û birîndariyên bi guleyan, pêşkêş dikin. Piştre bi erebeyên ambulansê yên taybet vediguhêzin nexweşxaneyên gel ên li Hesekê.

Fatin Esed rêvebera navenda gel e wiha got: "Navend ji zêdetirî 32 gundewarên girêdayî navçeyê re 24 saetan bi dewamî, xizmetê pêşkêş dike."

Esed got hejmara nexweş û rewşên ku tên navendê di navbera mehekê de zêdetirî hezar û 200’î ye. Piraniya wan zarok in. Fatin Esed diyar kir ku hejmara zarokan heta zêdetirî 800’î di mehekê de tên navendê. 350 rewşên jinan in. Her wiha tên keşifkirin û derman ji dermanxaneya navendê bê pere tê pêşkêşkirin.

Dermanfiroşê li navendê Îsmaîl Elî bal kişand ser ku di dermanxaneya navendê dermanên rewşên awarte û dermanên zarokan hene. Piştî lênihêrtina ji hêla kadroya bijîşkî ve derman bê pere tê pêşkêşkirin.

Ji aliyê xwe ve jî şêniya bi navê Xewla Mihemed ji Erîşa spasiya rêveberiya navendê û kadroyên bijîşkî der barê xizmetên tên pêşkêşkirin ên tedawîkirina zarok û jinan de, kir.

(fr)

ANHA


Mijarên Din