NATO, pêşniyara ‘Herêma ewle‘ ya di bin sîwana NY‘yê de erênî nirxand

Sekreterê giştî yê NATO`yê Jens Stoltenberg pêşniyara Almanyayê ya avakirina herêma ewle di bin sîwana hêzeke navnetewî li bakur Sûriyê erênî nirxand.

Jens Stoltenberg got: "Girîng e em hewldanên xwe ji bo vedîtina tevahiya rêbazên pêkanîna çareseriyek daîm li ser erdê berdewam bikin."

Li gorî malpera fermî ya NATO`yê Jens Stoltenberg pêşniyara Almanyayê ya girêdayî avakirina herêma ewle di bin sîwana NY`î de li bakurê Sûriyê erênî niraxnd.

Li gorî malpera "Deutsche Welle" ya almanî Jens Stoltenberg piştî civîna bi wezîrên berevaniyê yên NATO`yê  re di roja duyem de got: "Me li ser hewldanên vedîtina çareseriyek siyasî û aştiyane ji aloziya Sûriyê re û pêkanîna wê li ser erdê li hev kir. Ez pêşniyara Almanyayê ya avakirina herêma ewle di bin sîwana NY`yê de erênî dinirxînim."

Tevî wê jî Jens Stoltenberg got: "Girêdayî gelek deteyên vê projeyê û destekdayîna siyasî ya pêwîst hîna hinek kar pêwîst dike."

Jens Stoltenberg wiha domand: "Me pêşniyara Wezîra Berevaniyê ya Almanyayê ya herêma ewle di bin sîwana NY`yê de nîqaş kir. Texmîn dikim ku hemûyan ev pêşniyarê erênî dîtin. Ez destekê didin her pêşniyarek û çareseriyên erênî ji bo Sûriyê ku dikare asta tundî û aloziyê kêm, lê helbest ne hêsan e."

(şx)


Mijarên Din