Mîhrîcana govendê li Rimêlanê bidawî bû

Di çaremîn mîhrîcana govendê ya li Bakur û Rojhilatê Sûriyê de, 13 komên hunerî yên govendên foklorîk ên ji hemû herêmên Bakur û Rojhilatê Sûriyê govend pêşkêş kirin.

Duh bi dirûşmeya "Bi vegera li ser kokê re em govendê zindî bikin" Çaremîn Mîhrîcana Govendê bi beşdarbûna 13 komên govendê yên li Bakur û Rojhilatê Sûriyê bi meşekê dest pê kir.

Çalakiya roja duyemîn a mîhrîcanê vê sibehê li navenda çand û hunerê ya Aram Tîgran a bajarokê Rimêlan bi amadebûna bi dehan endamên komên hunerî û şêniyên navçeya Girkê Legê dest pê kir.

13 komêndên girêdayî çandê yên herêmên Bakur û Rojhilatê bi cil û bergên xwe yên foklorîk govendên xwe pêşkêş kirin.

Çalakiyên mîhrîcana li navenda Aram Tîgran bidawî bû û dê sibe li bajarê Qamişlo were destpêkirin.

(eh)

ANHA


Mijarên Din