Mertalên zindî: Em yek gewde ne û gefên dewleta Tirk napejirînin

Çalakiyên mertalên zindî li kantona Girê Spî li ser sînorê Tirkiyê di roja 5’emîn de di nava israrkirina berxwedanê de didomin.

Çalakiya mertalên zindî li bajarê Girê Spî yên li ser sînorê Tirkiye-Sûriyê a redkirina gefên Tirkiyê yên êrîşkirina li ser herêmên Bakur û Rojhilatê Sûriyê kete roja xwe ya 6’emîn.

Di çalakiyê de endamê Komîteya Têkiliyên Civakî ya Meclisa Kantona Girê Spî Emar Hesen axivî û gefên Tirkiyê yên der barê herêmê û amadekariyên leşkerî yên li ser sînor şermezar kirin û wiha got: "Siyaseta Tirkiyê tevahî qanûnên navdewletî û desthilata xak û gelê Sûriyê binpê dike."

Emar Hesen israra li hember dagirkeriya Tirk tekez kir û wiha lê zêde kir: "Em nahêlin bikevin xaka me ya muqedes a ku bi xwîna ciwanên me hatiye avdan û em ê bi mertalên zindî li hemberî hêzên dagirkeriyê bisekinin."

Li aliyekî dîtir jî Fewaz Heremiyê ji ciwanên Girê Spî wiha da zanîn: "Tu ferq û cudahî di navbera me û sûriyan de tune ye. Em ciwanên vê xakê ne. Gefên Erdogan li hember xaka Sûriyê, şermezar û lanet dikin."

Fewaz Heremiyê wiha berdewam kir: "Tirkiye hewl dide fitneyan li herêmê di nava Kurd û Ereban de derxe. Em vê yekê qebûl nakin. Naxwazin Tirkiye enaryoya dagirkeriya Osmanî dubare bike. Divê Erdogan bizane ev xewn ne pêkan e. Gelê herêmê bi hemû pêkhate û etnîkên heyî li Sûriyê hevgirtî ye û li ber xwe dide."

Ebid El-Hecî jî ji şêniyên navçeya Silokê ya girêdayî kantona Girê Spî ye û wiha diyar kir: "Em wek pêkhateya Ereb li herêmê gefên Tirkiyê qebûl nakin. Aştî û ewlehiyê ji welat û xaka xwe re dixwazin."

Ebid El-Hecî wiha pê de çû: "Komkirina Tirkiyê ya hêzên xwe li ser sînor, bi her awayî nayê pejirandin. Em yek laş û netewe ne. Tu têkiliya Tirkiyê bi karê me tune ye û ne jî yê me pê heye. Tirkiyê kiryarên ku civaka navdewletî û tu kesên ku li gel wan exlaq û nirxên mirovahiyê hene qebûl nakin, pêk anîn."

Ebid El-Hecî got li gel Tirkiyê xewnek heye û ew jî vejandina dewleta Osmanî ye û ew jî bi her awayî redkirî ye.

(fr)

ANHA


Mijarên Din