Macron hişyarî da dewleta Tirk û bang li YE`yê kir

Serokê Fransayê Emmanuel Macron bang li Ewropayê kir ku cezayan li dewleta Tirk ferz bike, ji ber ku li rojhilatê Deryaya Spî sûcan pêk tîne.

Emmanuel Macron û serokê Qibrisê Nikos Anastasiades civîneke çapemeniyê li dar xist û Macron tê de got heger Yekitiya Ewropayê (YE) dev ji ewlehiya herêma rojhilatê Deryaya Spî berde û nexasim ji Tirkiyê re bihêle ew ê sûcekî mezin bike, ev jî ji Ewropayê re ne pêşniyar e  û Fransayê derfetê nade ku ev yek pêk were.

Emmanuel Macron got ew dixwaze zêdetir ceza li ser kesên ku aliyê deryayî yê Yewnanistan û Qibrisê binpê dikin, ferz bike û bi vê yekê îşaret bi Tirkiyê kir. Macron diyar kir ku ew beş ji Deriyaya Spî ji welatê wan re aktîf e û doza enerjî û ewlehiyê cewherî ye.

Der barê dosyaya  Lîbyayê de serokê Fransayê Emmanuel Macron bang kir ku ceza li kesên destwerdana Lîbyayê dikin, bê birîn da ku agirbest û çareseriya siyasî çêbe.

(eh)


Mijarên Din