Lloyd Austin bû Wezîrê Parastinê yê DYA`yê

Destnîşankirina generalê teqawid Lloyd Austin wek wezîrê parastinê li Senatoya DYA'yê hate pejirandin. Austin dibe amerîkiyê duyemîn ê afîrkî ku ji aliyê Joe Biden ve tê hilbijartin.

Austin yê 67 salî rexmî ku pêdiviya wî bi veqetandek taybetî ji Kongrêsê jî hebû, ji ber ku di vê dawiyê de teqawît bû û ji bo wezîfeyek têkildarî sivîlan hate berbijarkirin, piştgiriyek berfireh ji Demokrat û Komarparêzan girt.

Austin sêşema borî anku piştî beşdarbûna leşkeran bi cilên sivîlan di êrişa 6'ê Çileyê de ya li dijî Capitol, soz dabû ku ew ê li dijî tundrewên di artêşa Amerîkayê de şer bike.

Austin li pêşiya Komîteya Hêzên Çekdar a Sentoyê de got: "Çalakiyên ku di demên dawî de di nava hêzên me de rû dane, ji nejadperestî û tundrawiyê tê. Ev qet nayê qebûlkirin...Heya karibim ez ê kar bikim da ku hêzên xwe ji nejadperast û tundrawan xilas bikim."


Mijarên Din