Li Tirbespiyê şehîdên Berxwedana 14'ê Tîrmehê hatin bibîranîn

Şêniyên navçeya Tirbespiyê şehîdên Berxwedana 14'ê Tîrmehê ya girtîgehên Tirkiyê bi bîranîn.

Bîranîn bi beşdarbûna bi dehan şêniyan ji aliyê navenda Hêzil a Çand û Hunerê ve li Hola Nadî Siyahî ya bakurê navçeyê hate lidarxistin.

Bîranîn bi deqeyeke rêzgirtin dest pê kir. Cîgirê hevserokatiya Meclisa Navçeya Tirbespiyê Mihemed Hecî Ferhan bi xêrhatina beşdaran kir û  îşaret bi siyasetên dijber ên dewleta Tirk ên li dijî gelên herêmê û gelê Kurd bi taybet. Ferhan got, berxwedana girtîgehan û îradeya xurt a girtiyan çirûska şoreşa li hemberî zilm û faşîzmê pêxist ku hîna berdewam e.

Piştre belgefîlmek li ser berxwedana girtîgehê ya bi pêşengtiya şehîd Xeyrî Durmuş, Kemal Pîr, Akîf Yilmaz û Elî Çîçek hate pêşandan.

ANHA


Mijarên Din